Ма̄н стиха - архив
Кыдт 2013 ы.:
По̄ррьксалл та̄лльв - коа̄вкант,
Сӯгкесь ва̄рь вуадтхалл
Чӯдҍ пӣзе чӯйймужэнҍ.
Пырр чӣӈӈлэс тоськенҍ
Коабблэв кукесь ланна
Вӣллькесь пэвл пайенҍ
Оалк мӣлльтэ алмэнч
Цуӆӆк тӯльенҍ ше̄дтадт,
Нэ чофта кэлмас ли.
Удць цыза сӣррей,
Гу е̄ннҍхемь парна,
Эххкна вӯльн няммсэнҍ.
Ка̄льмлуввенҍ лоанта удць,
Ня̄ллкма, лоа̄тткна,
Э тэ̄гктэннӭ ка̄ннҍц ка̄ннцась.
А алльм нюррк, гу вӯҏҏей,
Та̄гк ка̄ххта эххкнэ я
Пай чӯтӓ се̄нтант.
Э но̄ххкэв коа̄ллэш лоанта
Тэнн вэ̄дз альм вӯльн
Ка̄ллма эххкан лузьн.
Э нагкрэсьт сыйе кӯсстай,
Пе̄йв муэйнэмэсьт чуввесь
Мо̄джесь кыдт.
Сергей Есенин, 1910.
(Ва̄ллтма ли кнӣгасьт:
Сергей Есенин са̄мас Стиха. А. А. Антонова и С. Е. Якимович пыянт. Мурман кырьй луэштант 2008.)
Поаррькманн 2012 ы.:
ЧӮШК
Пагка тӯгкенҍ, па̄ка лунҍ
Пэ̄ййнӭнҍ чӯшк, чӯшкэ ла̄нҍт:
Кыррьтлепь эфтэсьт кукас-кукас,
Кыррьтлепь поа̄гэ, моа̄ст ебь ма̄ць.
Кыррьтлепь то̄гэ, касьт лӣ чӯввэ,
Касьт лӣ поа̄кас, ю̄эввт я ча̄дзь.
Аллькепь тамьпе кыртче, пыччкэ
Я вя̄л ӣнха коа̄цкчедтэ.
Ко̄ркина Мыкклэ Ка̄трин.
(Ва̄ллтма ли кнӣгасьт:
Ко̄ркина Мыкклэ Ка̄трин: "Чуррпа-Уррпа. Са̄мь стиха па̄ррнэтҍ". Мӯрман ла̄ннҍ 1994 ыгкь.)
Ке̄ссьманн / сӯйнманн 2012 ы.:
ВӢРМА
Вӣрма ё̄гий,
Вӣрма ё̄гий.
Мом лак ры̄хмыйн чӣӈӈьлесьт?
Рындэсьт пя̄ццк то̄н кэ̄сста
Югке кя̄тка понэсьт.
Ке̄ кукасвыд то̄ны ме̄рряй?
Ке̄ то̄ны а̄ррвад власть?
Вӣрр - лӣ са̄мыс сыйнэ рыннта,
Ма̄ - е̄ммьнэ, косьт то̄нн шаннҍтыкь.
Колкак ё̄гкэ ня̄льмесьт югке гоаррэ.
Пӣӈкийн томальт - те̄сьт
Сыллп кабпэрай намьпе,
Быдтэ вуаза оагкав.
Аге па̄ль чад кытҍке, кэ̄сстэ,
Тадтӹ чӣллк ча̄дзь сӯнӓ
Манӹ, кольки Вӣрма,
Вӣрма - еже, е̄нӭ е̄ммьнанҍ.
Октябрина Воронова.
(Стиха ли таррьй са̄мь кӣлэсьт.)
(Ва̄ллтма ли кнӣгасьт:
Октябрина Воронова: "Я̄лла. Авьтмусс са̄мь стиха книга". Мӯрман ланнҍ 1989 ыгкь.)
Кыдтманн 2012 ы.:
Э̄ххт тэдт пе̄ррк...
Ко̄ххт - ля̄ннч оллмэ ко̄пчнэдтэнҍ е̄кесьпо̄рмуж по̄ррэ я э̄ллькэнҍ мушштлэ туар ыгетҍ.
Рӯшш мушштлэв:
-Ойе, ко̄ххт ня̄ллктэлэмь, эфт картошканҍ ӣлемь. Ля̄й э вя̄л нюэзя, картошка кэ̄рэтҍ я ра̄зь мӣрьхемь, гу ла̄ммпас.
-Эйе, - вуаххк са̄ммьля, - э мыйе нышше то̄йтэ! -- э̄ххт вӯэннч, чо̄ннткэ со̄нн пӯдӭ, пӣйвегуэйм эфт ме̄ллма вӯэннч па̄ллэтҍ по̄рэмь.
(Ва̄ллтма ли кнӣгасьт: Галкина, Эльвира: "Тӣшш па̄лль". Самиздат. Луяввьр 2007.)
Вуэннҍтре Са̄нндра Антонова - 80 ыгэ!
Са̄нндра — са̄мь вуэпьсенҍ, кырьйхэй я са̄мь кӣллтидтэй ше̄ннтма лӣ 1932 ыгь кыдтма̄н выдант пе̄йв пуазнэгкь пӣррсэсьт Баренц ме̄р рынтэсьт, Мурман е̄мне Тырьбэрь са̄ткэсьт Куэллнэгк нёаркэсьт.
1949 ыгесьт Са̄нндра мэ̄нэ о̄ххпнуввэ Ленинград Таввял О̄ллмэе институдта. 1956 ыгесьт маӈӈа институт мэ̄ннмэнҍ вӯлкха ля̄й Луяввра рӯшш кӣл я литература вуэпьсеенҍ. 1976 ыгесьт Луявьресьт школа-интернат оа̄лкхэш классэнҍ оа̄лкэхьт выгкэ са̄мь кӣл.
Са̄нндра те̄вьтэхьт алфавихьт са̄мь кырьй гуэйкэ, кырьехьт авьтмусс кӣллт са̄мь кӣл букварь оа̄лкхэж классэтҍ гуэйкэ я Са̄мь-рӯшш соа̄гкнэг. Са̄нндра пыйе кӣлт са̄мь кӣлле е̄ннэ кырьедтэ я са̄мас кырьяхт стиха. Са̄нндра ныдтҍ шэ коаппч са̄мь кӣл я са̄мь культура материал, Луявьресьт со̄нн лыххк выгкъенҍ са̄мас са̄ррнмуж документацья мӣлльтэ.
Вуэннҍтре Са̄нндра Антонова (фото: Википедиесьт)
Кӯньтхемьманн 2012 ы.:
Ма̄н прӣмхушш
Лоаннът ла̄ввлэв ӣннъенне
я тоаййв - поаххк кыдт ля̄ннч,
мӣлкнесьт ке̄ссев ла̄ввл - кугкесь кэ̄ллм кыдт эвдэсьт.
Кыдт ча̄дзь манн, гӯ ужла пуаз вуагк.
(Ва̄ллтма ли кнӣгасьт:
Мечкина, Е.И. "Фольклорные традиции в культуре саамской семьи". Кольский научный центр, Центр гуманитарных проблем Баренц региона. Апатиты 20120.)
Нюххчманн 2012 ы.:
ПЕ̄ССЬМУРР
Вӣллькесь пе̄ссьмурр
Мун эххкан вӯльн
Ка̄ххьтлуввма вэ̄зэнҍ,
Гудэль сылпэнҍ.
Сӯбпесь рыссье альн
Вэ̄дз па̄нтанҍ
Луэшштэдтӭнҍ лабпехь
Вӣллькесь коа̄нҍтэнҍ.
Я чуэннч тэдт пе̄ссьмурр,
Нагьруввма юввэсьт,
Я вуэӆӆькэв вэ̄дзчалма
Коалль шӯрр то̄лэсьт.
А куэфс, ла̄шькельт
Ва̄ннҍцменҍ пырр,
Ля̄шшк рыссьетҍ
О̄дт сылпэнҍ.
Сергей Есенин, 1913.
(Ва̄ллтма ли кнӣгасьт:
Сергей Есенин са̄мас Стиха. А. А. Антонова и С. Е. Якимович пыянт. Мурман кырьй луэштант 2008.)
По̄рркманн 2012 ы.:
Ла̄ввл
та̄лльв - коаххч, ӣнаст,
Сӯгкесь
ва̄рь вуадтахалл
Чӯдӭ пӣзе чӯйймужэнҍ.
Пырр
чӣӈӈлэс тоськенҍ
Коабблэв
куххклэшш ланна
Вӣллькесь пэвл.
А оаллкэнҍ
е̄лач по̄ррк
Цуӆӆк
тӯлльенҍ ше̄дтадт,
Пэре чофта кэ̄ллм.
Шӯшшэй
цызга,
Ко̄ххт
е̄ннҍхемь - ажьхемь,
Тӯрръенҍ эххкан лунҍ.
Шучкнэнҍ
лоанта удцьха,
Ня̄ллкма,
лоа̄ткна,
Я тэгкта ка̄ннцас ыштнэв.
А по̄ррк
пай чӯтӓ ря̄гк,
Тоа̄гктадт
эххкнэ, уккьсе
Я поа̄сслуваннт пай тоаввса.
Я но̄ххкэв
лоанта са̄мхэмь
Вэ̄з
чо̄нънэмуж вӯлленҍ
Каллма э̄ххкан вӯлленҍ.
Я не̄гкай
сыйе пэре мо̄джесь,
Пе̄йв
муэййнэмужэсьт чуввесь
Мо̄джесь кыдт.
Сергей Есенин, 1910.
(Ва̄ллтма ли кнӣгасьт:
Сергей Есенин са̄мас Стиха. А. А. Антонова и С. Е. Якимович пыянт. Мурман кырьй луэштант 2008.)
